Mirza Ghalib - Yeh Na Thi Hamari Kismat by Jagjit Singh ft. Chittra Singh

Song: Yeh Na Thi Hamari Kismat
Album Title : Mirza Ghalib T.V Serial
Singer: Chitra Singh
Music Director: Jagjit Singh
Lyricist: Mirza Ghalib

yeh na thi hamaari qismat ke visaal-e-yaar hotaa,
agar aur jeete rahte yehi intizaar hotaa.

tere waade par jiye ham, to yeh jaan jhooT jaanaa,
ke khushi se mar na jaate agar atbaar hotaa.

tire naazukii se jaanaa kih bandhaa thaa `ahd bodaa
kabhii tuu nah toR saktaa agar ustavaar hotaa

koi mere dil se puchhe tere tiir-e-niim kash ko,
ye khalish kahaan se hoti jo jigar ke paar hotaa.

yeh kahan ki dosti hai ke bane hai dost naasih
koi chaara saaz hotaa, koi ghamgusaar hotaa

rag-e-sang se tapakta, vah lahu, ke phir na thamta
jise gham samajh rahe ho, yeh agar sharaar hota

gham agarche jaan gusal hai pe kahan bachen ke dil hai
gham-e-ishq gar na hotaa, gham-e-rozgaar hotaa.

kahun kis se main ke kya hai, shab-e-gham buri bala hai
mujhe kya bura tha marna agar ek bar hotaa.

hue mar ke ham jo ruswa, hue kyon na gharq-e-daryaa,
na kabhi janaazah uThtaa, na kahin mazaar hotaa.

use kaun dekh sakta, ke yagaana hai voh yaktaa
jo duii ki buu bhi hotii, to kahiin do chaar hotaa.

yeh masaail-e-tasawaf, yeh tera bayaan, Ghaalib,
tujhe ham walii samajhte jo na baada khwaar hotaa.