Garhwali Poem By Pardeep Rawat "Khuded"

Garhwali Poem By Pardeep Rawat Khudedham bhi dekhda jara

कब तकै लुट्दा तुम ये पहाड़ तै,
हम बी देखदा जरा !
कब तकै फोड़दा तुम ये गढ़वाल तै,
हम बी देखदा जरा !
तुम जित्दा या यू पाड़ जितदू,
हम बी देखदा जरा !

कब तकै निचोड़ादा तुम नदी नयार तै,
हम बी देखदा जरा !
कब तकै पिचोंड़दा तुम यीं मौयार ते,
हम बी देखदा जरा !
नयार नीचड़ोंदी, या तुम पिचोड़ेन्दा,
हम बी देखदा जरा !

कब तकै मोरण देंदा स्वीली ते तुम
पीडान अस्पतालै फैड़ीमा,
हम बी देखदा जरा !
कब तकै बिकण देंदा तुम
डॉक्टरुं कि पोस्टिंग रुप्यों कि थैली मा
हम बी देखदा जरा !
स्वीली की पीड़ा जितदी या
तुमारी बणायी क्रीड़ा जितदी
हम बी देखदा जरा !

कब तकै थामी सकदा तुम,
यू मनख्यूं का उमाळ ते,
हम बी देखदा जरा !
कब तकै बंधे सकदा तुम
हम बी देखदा जरा !
भाप बणी ऊ उमळदन,
या तुमते फुक्दान,
हम बी देखदा जरा !


कब तकै झूठा वादों कि थपकी मा,
हिमपुत्र ते सुनींद राख्दा तुम,
कब तकै की आपदा जाळमा फंसे की निश्चिंत रैंदा तुम,
हम बी देखदा जरा !

अपड़ा सवालू ते लेकी या जनता
सड़क्यूँ मा आंदी की नि आंदी,
हम बी देखदा जरा !
पुरणा क्रांतिकारयूं का किस्सा सुणी,
क्वी न क्वी नौजवान तपी आग कन नि होलू बणू
हम बी देखदा जरा !
धीरज रख्या जवान ते,