ساتياجراها ,, ساتياجراها ... El Sheikh EMAM

كلمات أحمد فؤاد نجم
****
ساتياجراها ,, ساتياجراها
تبري السقم و تشفي العاهة
ساتياجراها
ساتياجراها

يا ولاد الهند يا غافلين
و بقالكم ع الحال ده سنين
البقرة تحت السكين
و خلاصها في كلمة و معناها
ساتياجراها
ساتياجراها

ساتياجراها تعني سلام
لا سلبية و لا أستسلام
لكن خطوة تسير قدام
بالشعب أن هب و خطاها
ساتياجراها
ساتياجراها

تجمع شعب أتغرب تاه
ضاع من بعضه يا ولداه
مش فاكر غير كلمة آه
من عله أستعصت و دواها
ساتياجراها
ساتياجراها

لف المغزل تاني ثاني
أغزل ثوبك و أغزل ثاني
ملعونة السلعة البراني
و اللي جلبها و اللي قناها
ساتياجراها
ساتياجراها