Sherali JURAEV - KARVON (Kervan) (ÖZBEKİSTAN)

KARVON (KERVAN)
Karvon ko'rdim, tuyalari bo'zlab kelar,
Nortuyada meni yorim muzlab kelar.
Menga bergan va'dalari esdan chiqib,
Ostonasi tillo yurtni ko'zlab kelar.

Peshonangga yozganidan ayrilma yor,
Jonim chiqar, qo'shiq aytsam qayrilma, yor!

Karvon yo'li ketgunicha qizg'aldoqzor,
Yig'lamagin, yig'lagandan dunyo bezor.
O'ynab-o'ynab, kulib-kulib ketavergin,
G'amga o'zim xaridorman, o'zim bozor.

Peshonangga yozganidan ayrilma yor,
Jonim chiqar, qo'shiq aytsam qayrilma, yor!

Qorli tog'dan naridadir o'zga diyor,
O'zga yurtda kelin bo'lib qolishing bor.
O'zga yurtda o'z yurtingni eslab turgin,
Menga emas, o'z yurtingga bo'l intizor.

Peshonangga yozganidan ayrilma yor,
Jonim chiqar, qo'shiq aytsam qayrilma, yor!

Bilki, menga olam to'lar, alam to'lar,
Yoki shodlik, gohida g'am nolam bo'lar.
Bu dunyo kimning ko'nglin g'arib etdi,
Alam bilan kuylasam ham olam to'lar.

Peshonangga yozganidan ayrilma yor,
Jonim chiqar, qo'shiq aytsam qayrilma, yor!

Karvon ko'rdim, tuyalari bo'zlab borar,
Nortuyada meni yorim muzlab borar.
Menga bergan va'dalari esdan chiqib,
Ostonasi tillo yurtni ko'zlab borar.
Yöre: ÖZBEKİSTAN
Güfte: Usmon AZİM (Osman AZİM)
Beste: Sherali JURAEV

DANS: Zulhumar BEKCANOVA

ÖZBEK SAZ GRUBU
Tar: Ergoşif BAHRAW
Giccek: Erkin SAHİBOF
Ney: Dilmurad ABDULKERİMOV
Rebap: Şührad ÜZAKOV
Daire: Maruf AZİMOV

TÜRK DÜNYASI MÜZİK TOPLULUĞU SAZLARI
Garmon: Orkun KILIÇ
Kanun: Deniz GÖKTAŞ
Çello: Serkan ÖZLÜ
Ritm: Turgay ÖZKIZILTAŞ - Şeref BÜYÜKYÖRÜK

(GÖNÜL BAĞI-2007)