من جديد: اقالة الدكتور أسامة العبد رئيس جامعة الازهر

السلام والتحية على حضراتكوا اهلا بيكم معانا ... بمناسبة اللي بيحصل اليومين دول والضجة الكبيرة حولين واقعة تسمم طلاب المدينة الجامعية لطلاب جامعة الازهر .. عايزة بس نفتكر مع بعض كان ايه رد فعل المنتمين لجماعة الاخوان المسلمين لما بتحصل كارثة في البلد .. يعني لما حصلت كارثة قطار العياط .. لما مات العشرات من الشباب سواء عند الاتحادية او في بورسعيد .. لما انهارت بعض العمارت ومات كل اللي فيها.. لما كنا بتكلم وقتها عن المسؤلية السياسية .. كان اخونا في جماعة الاخوان والحرية والعدالة اول كلمة كنا بنسمعها منهم : هو الرئيس اللى كان سايق القطر .. هو الرئيس اللى بنا العمارة .. هو الرئيس اللى ضرب المتظاهرين بالرصاص ... السؤال دلوقتي : ليه لما حصلت واقعة التسمم دي .. ليه خرج الاخوان وطلاب الاخوان بجامعة الازهر بيطالبوا باقالة الامام الاكبر ويتهموه بالمسؤلية عن الاحداث ؟! ، ممكن نقول زيهم : هو الشيخ الطيب اللى حط السم في الأكل ؟؟؟ ولا الموضوع تصفية حسابات والسلام ؟! .. ليه الاذدواجية في المعايير وليه التعامل مع الأحداث بوشين ؟... بلاش دي : الريس نفسة فيه كام حادثة ولا مصيبة حصلت في البلد الايام الاخيرة ، وكان رد فعله سريع زي ما عمل مع طلاب الازهر .. تقريبا مسافة اليل والرئيس كان بيزور الطلاب في المستشفيات
بمناسبة بقا اخر التطورات في الموضوع ده .. النهاردة الإمام الأكبر الدكتور أحمد الطيب، شيخ الأزهر، بعد اجتماعة باعضاء المجلس الاعلي للأزهر، أصدر عدة قرارات ، أولها اقالة الدكتور اسامة العيد رئيس جامعة الازهر والدعوة فوراً لانتخابات رئاسة جامعة الأزهر الشريف، وده طبعا انتصار للاخوان ، وزمانهم بيقولو فاضل على الحلو زقة .. الامام الطيب كمان قرر وتشكيل لجنة لوضع قواعد الانتخاب وعرضها خلال أسبوعين، التغيير الفوري لمدير عام المدن الجامعية بالقاهرة ومدير المدينة ومدير عام التغذية ( بنين وبنات ) ومدير البنات، إحالة المتسببين في الأحداث الأخيرة للتحقيق العاجل ومتابعة تحقيقات النيابة العامة، تكليف السادة عمداء جميع الكليات بإجراء حوار جاد مع الطلاب والتعرف على مشاكلهم عن قرب ... واهاب المجلس الأعلى للأزهر بجميع التيارات والقوى السياسية احترام استقلال الأزهر بكافة شؤونه والذي كفله له تاريخه العريق والدستور والقانون ...
بمناسبة بقا الكلام للى بيرددوه الاخوان من عينة انتصار لطلاب الأزهر.. لأن احتجاجاتهم "الفئوية" شالت رئيس الجامعة وحولت مجرمين وفاسدين للتحقيق.. طب مهو الظاهرات الفئوية" حلوة أهو يا جماعة.. فيه في كل مؤسسة وكل مصنع ومصلحة فاسدين ومجرمين زي اللي في "المدينة جامعية" وبسببهم عمال بتموت، يا إما بالتسمم أو بالفصل من العمل أو بضعف الأجور.. ومعلمين مش لاقيين ياكلوا.. وأطباء عايزين يحسنوا الخدمة.. وناس بتموت لأنهم مش لاقيين سكن.. وغيرهم مش لاقيين انبوبة بوتجاز أو صفيحة بنزين... طب ما يبقى من حق دول يعملوا إضراب ويتظاهروا ويقطعوا الطريق.. ومنقلوش عليهم "فئويين".. لأنهم بقا يعتبروا مناضلين ...اشمعن دول ؟ ليه التعامل باذواجية ، ليه بنفسر الاحداث على مزاجنا وهوانا .. يا جماعة الحقيقة ملهاش غير وجه واحد .. معنا عمرو الفرماوي منسق حركة شباب الأزهر ..
تابعونا على https://www.facebook.com/MenGadid