మిలియన్ వ్యూస్ దాటిన MCA సాంగ్

The Title song of Nani and Sai Pallavi’s Middle Class Abbayi (MCA) was unveiled today.

గ‌త రెండేళ్లుగా వ‌రుస విజ‌యాల‌తో నాని దూసుకుపోతున్న సంగ‌తి తెలిసిందే. 'భ‌లే భ‌లే మ‌గాడివోయ్' నుంచి 'నిన్ను కోరి' వ‌ర‌కు వ‌రుస‌గా ఆరు విజ‌యాల‌ను సొంతం చేసుకున్న ఈ యువ క‌థానాయ‌కుడు.. ప్ర‌స్తుతం వేణు శ్రీ‌రామ్ ద‌ర్శ‌క‌త్వంలో 'ఎం.సి.ఎ' (మిడిల్ క్లాస్ అబ్బాయి) సినిమా చేస్తున్నాడు. 'ఫిదా' ఫేమ్ సాయిప‌ల్ల‌వి ఇందులో హీరోయిన్‌గా న‌టిస్తుండ‌గా.. సీనియ‌ర్ హీరోయిన్ భూమిక ఓ కీల‌క పాత్ర పోషిస్తోంది. సినిమా షూటింగ్ శ‌ర‌వేగంగా కొన‌సాగుతోంది.
ఇటివలే ఈ సినిమా టీజర్ విడుదల చేశారు. "ఎప్పుడైనా షర్ట్‌ బటన్‌ వూడిపోతే పిన్నీస్‌ పెట్టుకుని మ్యానేజ్‌ చేశావా? మామూలు జీన్స్‌ని బ్లేడ్‌తో కట్‌ చేసి టోర్న్‌ జీన్స్‌లా కలర్‌ ఇచ్చావా? అంతెందుకు ఎప్పుడైనా అలా రోడ్డుపై వెళుతూ బస్‌స్టాప్‌లో ఓ అందమైన అమ్మాయిని చూసి ఇద్దరు ముగ్గురు పిల్లలతో ఓ ఫ్యామిలీ ఫొటోను వూహించుకున్నావా? ఇవన్నీ చేసుంటే తెలిసేది ఎంసీఏ అంటే మిడిల్‌ క్లాస్‌ అబ్బాయని అని ఓ డైలాగ్ చెప్పాడు నాని. ఇప్పటికైతే మంచి పాజిటివ్ బజ్ తోనే సాగుతోందీ సినిమా..
నిన్ననే ఈ సినిమాలోని టైటిల్ సాంగ్‌ని విడుద‌ల చేశారు. 'వీధి చివ‌ర ఉంటాదో టీ కొట్టు.. ఆడ మేం తాగే టీ ఏమో వ‌న్ బై టూ' అంటూ సాగుతోన్న ఈ సాంగ్ అదుర్స్ అనిపిస్తోంది. ప్ర‌తి చ‌ర‌ణం చివ‌ర 'మేమే మిడిల్ క్లాస్ అబ్బాయిలం ఎమ్‌సీఏ' అంటూ సాగుతోంది. అప్పుడే మిలియన్ వ్యూస్ దాటేసింది.