Alyaa Gad - Female Reproductive System الجهاز التناسلي الأنثوي

الجهاز التناسلي الأنثوي هو مجموعة من الأعضاء المتعلقة بالتكاثر موجودة أسفل البطن عند المرأة علشان نفهم أمراضه لازم نفهم إيه تشريحه إيه طبيعية وإيه وظائف الأعضاء دي؟ فا علشان كدة الحلقة دي ها أشرح لكم فيها الموضوع دة هنا رسم بتوضح الموديل دي واقفة كدة في الوضع التشريحي زي ما بنقول والجهاز التناسلي عندها في أسفل البطن هنا وكمان شايفين مقطعين للجهاز التناسلي بنقول عليه مقطع أمامي يعني إيه؟ يعني إحنا باصين من الأمام على المرأة إحنا شايفين كدة الرحم يشبه يعني كائن خرافي كدة قول مثلا خاروف مثلا الخاروف دة له قرنين كدة والقرنين دول هما قنوات فالوب اللي هي مسئولة عن إنها زي ما تقول تشفط البويضة من المبايض الموجودة جنبها عندنا هنا مبيضين متعلقين في الرحم بيعني زي حزامين كدة وشايفين كمان جدار الرحم له عضلة سميكة هي اللي بتبطنه وهي دي المسئولة إنه تبقى فيها الغشاء المبطن دة هو دة اللي بيبقى فيه الجنين مزروع في مكان ما اللي بتتكون فيه المشيمة في عندنا كمان مقطع جانبي للرحم بنقول عليه مقطع جانبي شايفين إحنا من الجنب كأننا قطعنا برتقالة نصين وبنبص من الجنب فا إحنا بنقول عليه مقطع جانبي اللي بيبين أعضاء تانية زيادة شوية ها أشرحه لكم هما على الموديل دة زي ما إحنا شايفين الأنثى مقطع جانبي قاطعين كدة وباصين من الجنب دة الأمام دة جدار البطن وهنا شايفين جلد ودهون ودة الإليا من ورا ومن تحت ها نشوف الأعضاء التناسلية ها نتكلم فيها الجزئين 12 و 11 دول الشفاه الغليظة والرقيقة للمرأة دول مع البظر هنا موجود قدام هما أغنيا جدا بنهايات الأعصاب الحسية اللي بتسبب استمتاع المرأة بالجنس في كمان الجزء الداخلي أول ما نبتدي ندخل عند المهبل هتلاقي غدتين صغيرين مش ها تحسيهم أبدا إلا لما يلتهبوا غدتين Bartholin هما وظيفتها اللي هما تلطيف المنطقة دي بإفرازاتهم هتلاقي كمان في مدخل اللي حوالين الأعضاء دي هتلاقي شعر الشعيرات دي مسئولة عن حماية الجهاز التناسلي من البكتيريا والإصابات السيئة اللي ممكن تدخل له وكمان بيحملوا رائحة المرأة المميزة اللي بتخليها جذابة لشريكها ندخل كدة على جوة هنلاقي هنا المهبل لاحظوا إن هو مستند شوية على ورا كدة وبعدين هنلاقي الرحم المهبل فيه جزء داخلي عميق شوية هنا قد تجدي فيه غشاء البكارة هو مش موجود عند كل البنات أو لو موجود بيكون حلقي أو مش واضح أوي لكن يعني هو مش على برة أبدا لا هو موجود جوة شوية كدة ليس من السهولة أبدا إن غشاء البكارة يتفض أحيانا قد لا يفتض إلا مع ولادة أول طفل مهبليا عندنا بعد كدة هنا عنق الرحم وداخل على الرحم ولو تلاحظوا الرحم يعني كان المهبل كدة الرحم جاي كدة على قدام يعني المهبل رايح على ورا والرحم على قدام طيب ليه كدة؟ دة مهم نعرفه إن الرحم اللي بيبقى ليه وضع تاني مختلف ممكن يؤثر على خصوبة المرأة بتبقى مشكلة يعني البنت مولودة بيها ولما الرحم بيمتلئ بوزن الجنين لما الأم تكون حامل هتلاقي إنه أحينا بيضغط أوي على المثانة ويعمل التهابات في المثانة أو رغبة في التبول يعني شديدة كمان هتلاقي العضلة المبطنة لجدار الرحم دي هي دي اللي ممكن تحصل فيها الأورام العضلية هي منتشرة جدا في مصر والدول العربية وإيه أهمية دة؟ مهم نعرف إن إنها بتؤثر على الخصوبة أحيانا وعلى استمرار الحمل .....

Subscribe to official Alyaa Gad channel : http://bit.ly/AlyaaGad

Follow