4 deputetët e LSI-së/ Vasili: Ja si do veprojmë me gjallesat elektorale

Katër deputetë të LSI-së morën sot mandatin nga Komisioni Qendror Zgjedhor ndërkohë që ditën e nesërme ata do të betohen në seancën plenare që do të mbahet në Kuvend. Por a do i përjashtojë LSI-ja nga partia këta katër deputetë? Ish-kryetari i grupit të LSI-së i cilëson si gjallesa elektorale katër deputetët. "Unë muhabet gjallesash elektorale nuk kam ndërmend që të bëj, nuk kanë lidhje me LSI-në. Në momentin që po shprehem kështu kam thënë gjithcka. Në kopshtin zoologjik të Edi Ramës u shtuan edhe ca gjallesa të tjera" tha ai.