Arjen Arî - Ji Kîşweran Payîz e Niha (Deng- Ceso)

Helbest: Arjen Arî
Deng: Ceso
Amadekirin: Asoya Helbesta Kurdî


sal him bi him zeman pîr dikin.
heyv li kevan e geh, geh roj li ava
bi kêlî û saet, bi roj û şev, bi av û hewa
dem kal, ez pîrekal, zeman lal...
delalê, ji kîşweran payîz e niha!

payîz e, dem dê xwe veguhere guherek din
kêlî ê nepirsin ji te bo bibin saet
û roj dê raneweste li te bo nebe şev;
roj derew, şev derew, zeman nakeve xew...
demsal e... ji kîşweran payîz e niha

siltanê herwext e, kî ye ne hêsîrê zeman
qurteke av in kêlî, jiyîn hilmek e bêguman
aveke li herik e her çem, ber bi derya mirinê ve
ne serî ne binî bi hemînî diherikî li vê
çemek dimiçiqe herhal... ji kîşweran payîz e niha!

li xwe vegerî, pelên katjimêrê bidî hev
deh cild roj, deh cild şev dê bêne ser hev!
li şûna temenekê tu ê çi bikî ji tomarek pel?
rûnî bisojîni wan yeko yeko
tû ê temenê min û xwe bisotînî,
tê rojekê jî venegerînî ji zeman!

Arjen Arî




#Helbest, Helbestên Kurdî, Honrawe, Kurdistan
》Asoya Helbesta Kurdî

TÊKILÎ
》Facebook/Youtube: Asoya Helbesta Kurdî
》Twitter: @asoyahelbesta
》Emaîl: asoyahelbestakurdi@gmail.com
》》Google Play Asoya Helbesta Kurdî: https://play.google.com/store/apps/details?id=com.arges.sepan.helbest