પોલીસની ગાડી પકડીને એક્ટિવા હંકારતો પોલીસકર્મી કેમેરામાં કેદ, ટ્રાફિક નિયમોના ધજીયા ઉડાવ્યા
એક તરફ પોલીસ વિભાગ લોકોને ટ્રાફિકના નિયમોનું પાલન કરવા માટે અવનવા પ્રયોગો કરીને જાગૃકતા ફેલાવી રહી છે તો બીજી બાજુ કેટલાક એવા પોલીસકર્મીઓ પણ છે જ જેમના માટે બધા નિયમો માત્ર કાગળ પર જ હોય છે છત્તીસગઢના રાયપુરના રસ્તા પર આવો જ એક પોલીસકર્મી જોવા મળ્યો હતો જે સ્ટાફની પોલીસ ગાડીને પકડીને તેની સાથે સાથે જોખમી રીતે પોતાનું એક્ટિવા હંકારતો કેમેરામાં કેદ થઈ ગયો હતો માત્ર 12 સેકન્ડનો આ વીડિયો વાઈરલ થતાં જ ઉચ્ચ અધિકારીઓએ પણ તેમની શોધખોળ કરવાની કવાયત હાથ ધરી હતી મળતી વિગતો પ્રમાણે આ ઘટના રાયપુરના સાયન્સ કોલેજની સામે આવેલા રોડ પર જોવા મળી હતી