Mantıkut Tayr | Conferance of Birds Part 3.Bölüm | (Sesli Kitap=Audio book) Feriduddin Attar

#coferanceofbırds #audibook #subtitleenglish #subtitlefrench #subtitledutch #türkçealtyazılı
İBTİDÂ-YI DÂSTÂN-I SÎMURG
18
Bir gice Çîn şehri üstinden meger
Nâgehân sîmurg geçdi cilveger
19
Bir kanadi düşdi Çîn’e key ulu
Sad herâzân dürlü nakş anda tolu
20
Halk çün kim ol kanadi gördiler
Dînlerinüñ külli terkin urdilar
21
Ol kanat nakşina çün inandilar
Ol kuşi ol bir kanadi sandilar
22
Eylediler ol kanatdan bî-karâr
Her biri bir dürlü nakşi ihtiyâr
23
Birisi güneşe tapdi vü sözi
Aya hatm itdi vü biri ilduzi
24
Biri puta tapdi ma‘bûdum didi
Biri haça halk-i maksûdum didi
25
Birisi gûsâle tapdi iy ‘azîz
Kilmadi kâfirligi dînden temîz
26
Kim Müselmân-isa ol kuşi sora
Kâfir anuñ kanadi nakşin göre
27
Ol kuşuñ yüz biñ kanadi var-durur
Bir kanat nakşin tapan kâfir-durur
28
‘Âlem anuñ bir kanadidur görüñ
Kanadin görenden ol kuşi soruñ
29
Mü’min ol kuş birligine inanur
Kâfir ol kuşi kanat nakşin sanur
30
Ol kuşa tap sen ki yüz biñ kanadi
Var-durur her yirde biñ bir adi
31
Bir kanaduñ nakşina aldanmagil
Ol kuşi ol bir kanadi sanmagil
32
Tenlü cânlu biñ kanat bir murg olur
Bir kanat nakşi nite sîmurg olur
33
Kuşlar anuñ sâyesidür kamusi
Mülkinüñ pîrâyesidür kamusi
34
Sâyeden her kim yol ilte zâtina
Lâcirem ol yoldan ire katina
35
Sâye anuñ pertevîdür iy ‘azîz
Sâyeden sen zâti eylegil temîz
36
Nakşa bakma gör kanat nenüñ-durur
Ol kuşa ir kim kanat anuñ-durur
37
Bir kanatdan olmagil biñ nakşa yâr
Kim anuñ yüz biñ kanadi dahi var
38
Bir kanada niçe hayrân kalasin
Kuşi iste kim kanat çok bulasin
39
Niçe bu Gülşehrî her murgi bula
Murgi terk itsün ki sîmurgi bula
40
Kendüzini komayinca âdemî
Olmaya ol pâdişâhuñ magremi
41
Kendüzini çün kişi komak gerek
Halk etin bunça niye yimek gerek
42
Bir meniyi kodilar sâhib-fenâ
Yüz men arturdi dahi ol
#seslikitap