COVID-19 mbyll minibashkinë 2, konfirmohet një rast pozitiv! Punonjësve u merret tamponi
Koronavirusi ka mbyllur minibashkinë numër dy në Tiranë. Burime për Report TV bëjnë të ditur se një rast është konfirmuar pozitiv. Punonjësit janë larguar në shtëpi nga mëngjesi i djeshëm dhe i është thënë që të qëndrojnë në shtëpi deri të hënën. Ndërkohë është bërë dezinfektimi dhe punonjësve i është marrë tamponi. Nga vëzhgimi i Report Tv shihet se në minibashkitë e tjera puna vijon normalisht ku ka shkelje të masave si nga qytetarë por dhe nga vet punonjës.