I Salute You | آحيك لانك

أحييك لانك توزع فى حنك .. تشيل نور بلادي .. وتشيل هم ناسك .. لا بد لكل فرد فى هذه الوطن ان يهتم بالوطن .. من اجل مكانته ورفع قدرته .. وان يعم السلام والحب ربوع الوطن .. وان يرجع لسابق عهده من غابر الازمان .. بكرة احسن باذن الله ..


أحيك لأنك .. توزع في حِنك .. تشيل هم بلادك .. وتنساه همك .. بتمسح دموعا .. و تغطغط في دمعك .. و تنسى الدريب البتمشيو كأنك .. بتبني المشاعل .. تضوي الطريق .. و تقصد توصل .. لون البريق .. و ترفع تشيل .. حطامو الغريق .. و ريدو و هواه .. في دربك رفيق .. يلاك نبادر .. تعقل جنون .. الـببيعو الأماني .. و تزرع ورودك .. و تهديها تاني .. فيكفيك تبسسم .. تغني الأغاني .. أقيف مرة أسأل .. و كون ياخ أناني .. و حلفت صوتك .. يغنيكَ تاني .. تقيف لي تردد .. تقول لي كفاني .. أشوف بس شبابنا .. بـيـبـني المعاني .. ألبي النفير .. النادا ودعاني .. أشوف نور بلادي .. يعود ليها تاني .. يعود ليها تاني .. و قادرين نرجع .. أُفول المحَنة .. و ضحكة أهلنا .. نفيرنا و فرحنا .. و وقفة ترحنا .. و طـيـبـة الأهالي .. تشكل جمال الطـبـيـعة المثالي .. بتصرخ بحب قدر ريدتك لنيلنا .. تقول انت هِيلنا .. نريدك يا غالي .. أقول ليك حيرجع .. وطنا النريدو .. بهمة أهلنا
.. حنقدر نعيدو .. و حَلة ملاحنا .. التخش كل بيوتنا .. تسَلِّم تلملم .. فرحنا و تزيدو .. ملامح وطن .. بقامة حبيبة .. مساحة في قلوبنا واسعة و رحيبة .. نقدس ترابو .. الكَوَّن صِفاتنا .. ونمسح شكوك جوانا ونسيبا .. سوداني فخراً .. بدون أي ريـبـة ..بدون أي ريـبـة ..

I salute you because you are distributing in your palate.. shedding the light of my country.. and removing their hermits.. everyone in this country must take care of the homeland.. for the sake of his position and raise his ability.. and that peace and love prevail throughout the country.. and return to his previous era from the past. The times.. tomorrow is better, God willing..