पहिल्याच मॅचमध्ये धमाका करणारा आरसीबीचा हा 22 वर्षीय खेळाडू कोण
IPLच्या पहिल्याच मॅचमध्ये धमाका करणारा आरसीबीचा 22 वर्षीय खेळाडू. ज्याच्या षटकाराचा video सध्या सोशल मिडियावर प्रचंड व्हायरल झाला. बरोबर ओळखलं..ज्याला आयपीएल 2022 च्या पहिल्या सामन्यात विराट कोहलीच्या जागी फाफ डू प्लेसिस सोबत फलंदाजीसाठी पाठवण्यात आले होतं. तो खेळाडू आहे अनुज रावत.रॉयल चॅलेंजर्स बेंगलोर टीममधला युवा फलंदाज. IPL 2022 च्या लिलावात सर्व संघ आपापल्या आवडत्या खेळाडूंसाठी बोली लावताना दिसले. यावेळी अनेक संघांनी अनुज रावतवर बोली लावली..अनुज आता रॉयल चॅलेंजर्स बेंगलोरसाठी खेळतोय.या मॅचमध्ये पंजाब किंग्सचा फिरकी गोलंदाज राहुल चहर याने अनुज रावत याला क्लीन बोल्ड केलं. 20 चेंडूत 21 धावा करून अनुज बाद झाला. पण या धावांत त्याने 2 षटकार आणि 1 चौकार मारून त्याने या आयपीएलमध्ये धमाका करण्यास आपण सज्ज असल्याचे दाखवून दिलं. अनकॅप्ड खेळाडूंमध्ये दिल्लीकडून खेळणाऱ्या अनुज रावतला RCB ने तब्बल 3.40 कोटी रुपयांना विकत घेतलं आहे. अनुज रावत हा उत्तराखंडमधील नैनिताल जिल्ह्यातील एका छोट्या गावातील डावखुरा फलंदाज आहे. त्याचा शेतकरी कुटुंबात त्याचा जन्म झाला. .अनुजच्या रुपूर गावात क्रीडा सुविधा नव्हती. पण या सर्व परिस्थितीवर अनुज हळूहळू प्रगती करत गेला आणि नंतर भारतीय कर्णधार विराट कोहलीचे प्रशिक्षक राजकुमार शर्मा यांच्या पश्चिम दिल्ली क्रिकेट अकॅडमित सामील झाला