ભાવનગરમાં 100 કરોડના ખર્ચે 20 એકર જગ્યામાં પ્રાદેશિક વિજ્ઞાન કેન્દ્ર બનાવાયું
વડાપ્રધાન નરેન્દ્ર મોદી આગામી 29 સપ્ટેમ્બર, 2022ના રોજ ગુજરાત પ્રવાસે આવવાન છે ત્યારે તેઓ ભાવનગર ખાતે વિશ્વના પ્રથમ CNG ટર્મિનલનો શિલાન્યાસ કરશે. આ સાથે જ વડાપ્રધાન ભાવનગરમાં પ્રાદેશિક વિજ્ઞાન કેન્દ્ર (રિજિયોનલ સાયન્સ સેન્ટર - RSC)નું પણ ઉદ્ઘાટન કરશે. આ વિજ્ઞાન કેન્દ્ર જે 20 એકરમાં જગ્યામાં ફેલાયેલું છે અને 100 કરોડના ખર્ચે તૈયાર કરવામાં આવ્યું છે. આ રિજિયોનલ સાયન્સ સેન્ટરમાં અનેક થીમ આધારિત ગેલેરીઓ જેવી કે મરીન એક્વેટિક ગેલેરી, ઓટોમોબાઈલ ગેલેરી, નોબલ પ્રાઈઝ ગેલેરી- ફિઝિયોલોજી અને મેડિસિન ગેલેરી, ઇલેક્ટ્રો મિકેનિક્સ ગેલેરી, બાયોલોજી સાયન્સીસ ગેલેરીનો સમાવેશ થાય છે.