હવામાનની આગાહીઃ આગામી 5 દિવસ રહેશે ઠંડીનું જોર, 4-6 ડિગ્રી ઘટશે તાપમાન

હવામાન વિભાગની આગાહી અનુસાર આગામી 3 દિવસ દરમિયાન ઉત્તર અને ઉત્તર-પશ્ચિમ ભારતના ઘણા ભાગોમાં લઘુત્તમ તાપમાનમાં 4-6 ડિગ્રી સેલ્સિયસનો ઘટાડો થવાની સંભાવના છે અને તે પછી કોઈ નોંધપાત્ર ફેરફાર થશે નહીં. આગામી 3 દિવસ દરમિયાન મધ્યપ્રદેશમાં લઘુત્તમ તાપમાનમાં 3-5 ડિગ્રી સેલ્સિયસનો ઘટાડો થવાની સંભાવના છે. દરમિયાન પૂર્વ ભારતના ઘણા ભાગોમાં લઘુત્તમ તાપમાનમાં 2 થી 4 ડિગ્રી સેલ્સિયસનો ઘટાડો થવાની સંભાવના છે. હવામાન એજન્સીએ જણાવ્યું કે 15-18 જાન્યુઆરી વચ્ચે રાજસ્થાન, પંજાબ, હરિયાણા, ચંદીગઢ અને દિલ્હીના ઘણા ભાગોમાં 16 અને 17 જાન્યુઆરી દરમિયાન તીવ્ર શીત લહેર આવી શકે છે. આગામી 5 દિવસ દરમિયાન પંજાબ, હરિયાણા, દિલ્હી અને ઉત્તર પ્રદેશમાં રાત્રિ અને સવારના કલાકો દરમિયાન ગાઢથી ખૂબ ગાઢ ધુમ્મસની સંભાવના છે.