‘O MARE MIO Giulio Durni ❤️❤️

‘O MARE MIO
Giulio Durni
❤️❤️
Affacciate a chesta loggia
stonghe guardanne ‘o mare.
Ogge isso è ccalmo
e comme a nu ‘nnammurato
pare ch’accarezza ‘a rena
e doce doce dà nu vase
a chillu scoglie.
Io nun me stanco maje
d’ ‘o guardà,
‘a sempe songhe
d’isso ‘nnammurato.
Ero nu guaglione
e passavo tutt’ ‘o tiempo cu’ isso,
po’, quanne me so’ ffatto
cchiù strappatiello,
‘ncoppe a’ na varca
aggia ggirato tutto ‘o munno.
Ogge ca l’anne songhe passate,
stonghe a riposo e
‘o tengo mente ‘a luntane
ma ‘o core mio stà sempe
mmiezo a chell’onne,
stà sempe mmiezo ‘o mare.
Musica
Pianoforte Napoletano
Brano
Voglioo'mar...
Pino Daniele
❤️
Creative video
annare53