[27-02-24] កុមារនៅក្នុងបន្ទុកសមាជិកប.ស.ស ជិត ២ម៉ឺននាក់ បានចុះបញ្ជីដើម្បីទទួលបានអត្ថប្រយោជន៍ពីបណ្ណនេះ

មានកុមារ កាន់តែច្រើន បានចុះឈ្មោះប្រើបណ្ណប.ស.ស ចាប់តាំងពីរាជរដ្ឋាភិបាល បានប្រកាសដាក់ឱ្យដំណើរការ។ ឯកឧត្តម ហេង សុផាន់ណារិទ្ធ អគ្គនាយករងបេឡាជាតិសន្តិសុខសង្គម ហៅកាត់ថា ប.ស.ស បានលើកឡើងថា គិតត្រឹមថ្ងៃទី២៤ ខែកុម្ភៈ ឆ្នាំ២០២៤ សមាជិកប.ស.ស ជាកុមារ មានចំនួនជាង ១ម៉ឺន ៩ពាន់នាក់ ដែលបានចុះបញ្ជីតាមរយៈឪពុកម្តាយ ជាសមាជិកប.ស.ស ដើម្បីទទួលបានអត្ថប្រយោជន៍។ អ្នកមានបណ្ណប.ស.ស ប្រៀបបានដូចមានការធានារ៉ាប់រងផ្នែកសុខភាពដែរ។