[12-06-24] រាជរដ្ឋាភិបាល ណែនាំដល់ក្រសួងស្ថាប័ន ត្រូវកែសម្រួល ឬលុបចោល រចនាសម្ព័ន្ធ ដែលមិនចាំបាច់សម្រាប់ស្ថានភាពបច្ចុប្បន្ន និងក្របខណ្ឌគោលនយោបាយ

រាជរដ្ឋាភិបាល បានចេញសារាចរ ដោយដាក់ចេញនូវវិធានការពាក់ព័ន្ធនឹងការរៀបចំ និងការកែសម្រួលរចនាសម្ព័ន្ធរបស់ក្រសួង ស្ថាប័ន ដើម្បីធានាឱ្យបាននូវការរៀបចំ និងការប្រព្រឹត្តទៅរបស់ក្រសួង ស្ថាប័នមានប្រសិទ្ធភាពខ្ពស់។ ក្នុងនោះ រាជរដ្ឋាភិបាល បានណែនាំឲ្យក្រសួង ស្ថាប័ន ត្រូវពិនិត្យឡើងវិញរចនាសម្ព័ន្ធ មានស្រាប់ ដែលមិនឆ្លើយតបនឹងស្ថានភាពបច្ចុប្បន្ន និងក្របខណ្ឌគោលនយោបាយរបស់រាជរដ្ឋាភិបាល ដើម្បីធ្វើការកែសម្រួល ឬច្របាច់បញ្ចូលគ្នា ឬលុបចោល។