అమెరికాలో కాల్పుల కలకలం - హైదరాబాద్​ యువకుడి మృతి

Hyderabad youth dies in shooting in America : అమెరికాలో కాల్పుల కలకలం రేగింది. దుండగుడు జరిపిన కాల్పుల్లో హైదరాబాద్​కు చెందిన ఓ యువకుడు ప్రాణాలు కోల్పోయాడు. హైదరాబాద్​ చైతన్యపురి పరిధిలోని ఆర్కేపురం గ్రీన్ హిల్స్​ కాలనీకి చెందిన కొయ్యాడ చంద్రమౌళి కుమారుడు రవితేజ మరణించాడు. అతడి మరణ వార్త విని కుటుంబ సభ్యులు కన్నీరుమున్నీరుగా విలపిస్తున్నారు. వీలైనంత త్వరగా తన కుమారుడి మృతదేహాన్ని ఇంటికి రప్పించాల్సిందిగా తండ్రి కోరాడు. 2022 మార్చిలో అమెరికా వెళ్లిన రవితేజ మాస్టర్స్​ పూర్తి చేసి ఉద్యోగం వెతుక్కుంటున్నాడు. వాషింగ్టన్​లో దుండగుల కాల్పుల్లో అతడు అక్కడికక్కడే మృతి చెందాడు.