Harsimrat Kaur Badal| ਪੀਐਮ ਆਵਾਸ ਯੋਜਨਾ ਤੇ ਮਨਰੇਗਾ ਦਾ ਮੁੱਦਾ ਲੋਕ ਸਭਾ ਚ ਗੁੰਜਿਆ, ਕੀਤੀ ਜਾਂਚ ਦੀ ਮੰਗ

ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਤਹਿਤ ਲੰਬੀ ਬਲਾਕ ਵਿੱਚ ਵੰਡੇ ਜਾ ਰਹੇ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਖੇਤੀਬਾੜੀ ਮੰਤਰੀ ਗੁਰਮੀਤ ਸਿੰਘ ਖੁੱਡੀਆਂ ਦੀਆਂ ‘ਤਸਵੀਰਾਂ’ ਵਾਲੇ ‘ਸਨਦ’ ਪੱਤਰਾਂ (ਸਰਟੀਫਿਕੇਟ) ਦਾ ਮੁੱਦਾ ਲੋਕ ਸਭਾ ਵਿੱਚ ਗੂੰਜ ਪਿਆ ਹੈ। ਬਠਿੰਡਾ ਤੋਂ ਸੰਸਦ ਮੈਂਬਰ ਹਰਸਿਮਰਤ ਕੌਰ ਬਾਦਲ ਨੇ ਅੱਜ ਲੋਕ ਸਭਾ ’ਚ ਸਿਆਸੀ ਫੋਟੋਆਂ ਵਾਲੇ ‘ਸਨਦ’ ਪੱਤਰਾਂ ਬਾਰੇ ਸੁਆਲ ਉਠਾਇਆ। ਉਨ੍ਹਾਂ ਹਲਕਾ ਲੰਬੀ ਦੇ ਪਿੰਡ ਸਿੰਘੇਵਾਲਾ ਦੀ ਪੰਚਾਇਤ ਦੀ ਸ਼ਿਕਾਇਤ ਦੇ ਹਵਾਲੇ ਨਾਲ ਕੇਂਦਰੀ ਪੇਂਡੂ ਵਿਕਾਸ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਕੋਲੋਂ ਜਵਾਬ ਮੰਗਿਆ।