Mehdi Hassan hasti apni habaab ki si hai - Mir Taqi Mir - ہَستی اَپنی حَباب کی سی ہے ۔ میر تقی میرؔ

Remembering Ghazal King Mehdi Hassan (18 July 1927 - 13 June 2012) on his birth anniversary.
Mehdi Hassan sings Mir Taqi Mir
ہَستی اَپنی حَباب کی سی ہے
یہ نُمائِش سَراب کی سی ہے
نا زُکی اُس کے لَب کی کیا کَہیے
پَنکھڑی اِک گُلاب کی سی ہے
چَشمِ دِل کھول اُس بھی عالَم پَر
یاں کی اَوقات خواب کی سی ہے
بار بار اُس کے دَر پہ جاتا ہُوں
حالَت اَب اِضطِراب کی سی ہے
نُقطہ ءِ خال سے تِرا اَبرُو
بَیت اِک اِنتِخاب کی سی ہے
مَیں جو بولا کَہا کہ یہ آواز
اُسی خانہ خَراب کی سی ہے
آتِشِ غَم میں دِل بُھنا شایَد
دیر سے بُو کَباب کی سی ہے
دیکھئیے اَبر کی طَرَح اَب کے
میری چَشم پُر آب کی سی ہے
میرؔ اُن نِیم باز آنکھوں میں
ساری مَستی شَراب کی سی ہے
میر تقی میرؔ