یارو کسی قاتل سے کبھی پیار نہ مانگو - قتیل شفائی

شاعر: قتیلؔ شفائی
گائیک : اُستاد مہدی حسن صاحب

یارو کسی قاتل سے کبھی پیار نہ مانگو
اپنے ہی گلے کے لیئے تلوار نہ مانگو

گِر جاؤگے تم اپنے مسیحا کی نظر سے
مر کر بھی علاجِ دلِ بیمار نہ مانگو

سچ بات پہ ملتا ہے صدا زہر کا پیالہ
جینا ہے تو پھر جراتِ اظہار نہ مانگو

کُھل جائے گا اس طرح نگاہوں کا بھرم بھی
کانٹوں سے کبھی پُھول کی مہکار نہ مانگو

(قتیل شفائی)

Yaaro Kisi Qaatil Say Kabhi Pyaar Nah Mango
Apnay Hi Galay K Liye Talwaar Nah Mango

Gir Jao gay Tum Apnay Maseeha Ki Nazar Say
Mar Kar Bhi Ilaaj-e-Dil-e-Beemar Nah Maango

Sach Baat Pah Milta Hay Sadaa Zehar Ka Payaala
Jeena Hay To Phir Jurrat-e-Izhaar Nah Mango

Khul Jaye Ga Is Tarah Nigahoun Ka Bharam Bhi
Kaantoun Say Kabhi Phool Ki Mehkar Nah Mango

Qateel Shifai