E kanosi pasi i kërkoi borxhin, arrestohet 31 vjeçari me armë dhe drogë

Policia e Vlorës, ka vënë në pranga një 31 vjeçar, i akuzuar për disa vepra penale dhe i shpallur në kërkim.

Erlis Dollani, banues në lagjen “24 Maji” të qytetit, u arrestua pranë banesës së tij, pasi ka kanosur me armë zjarri një shtetas për shlyerjen e një borxhi.

“Ky shtetas, ka kanosur me armë zjarri shtetasin: M.Z. për motive të dobëta (shlyerje borxhesh) pasi ky i fundit ka shkuar në banesën e shtetasit: Erlis Dollani, për t’i kërkuar disa para që, Dollani i’a kishte borxh.

Personi i shpallur në kërkim, në momentin që pikasi ardhjen e shërbimeve të policisë, tentoi të largohej nga banesa, por u bë neutralizimi dhe kapja e tij në mënyrë të menjëhershme si dhe sekuestrimi i armës së zjarrit që mbante në duar në tentativë për të ikur”, sqaron policia lokale.

Gjatë kontrollit të ushtruar në banesën e tij i janë gjetur edhe 60 gr kanabis.

Ky shtetas është me precedentë të mëparshëm penale, pasi ishte shpallur në kërkim për vjedhje automjetesh dhe banesash, si dhe armëmbajtje pa leje, etj.

Policia ka sekuestruar në cilësinë e provës materiale:

– 1 armë zjarri “automatik model 56”,

– 50 fishekë të kalibrit 7.62 mm,

– 2 krëhëra,

– 60 gr lëndë narkotike të llojit “kanabis sativa”.