Jay Pawar Engagement | जय पवारांचा साखरपुडा, सुप्रिया सुळे, सुनेत्रा पवार एका फोटोमध्ये

Jay Pawar Engagement | जय पवारांचा साखरपुडा, सुप्रिया सुळे, सुनेत्रा पवार एका फोटोमध्ये
Jay Pawar Engagement | जय पवारांचा साखरपुडा, सुप्रिया सुळे, सुनेत्रा पवार एका फोटोमध्ये  
उपमुख्यमंत्री अजित पवार यांचे धाकटे चिरंजीव जय पवार यांचा काल साखरपुडा पार पडला.. या सोहळ्यातील काही फोटोंची चांगलीच चर्चा रंगलीये.. सर्वात महत्त्वाचं म्हणजे राजकारण आणि पारिवारिक संबंध वेगवेगळे जपता येतात हे पवार कुटुंबीयांनी काल पुन्हा एकदा दाखवून दिलं.   म्हणजे हेच बघा ना.. सर्वात आधी तर अजित पवारांनी त्यांचे काका शरद पवारांचं स्वागत केलं. राष्ट्रवादी पक्षात पडलेली फूट, त्यानंतर आलेली कटुता, कोर्टबाजी हे सगळं महाराष्ट्रानं पाहिलं..  नंतर एका फोटोमध्ये अजित पवार आणि सुप्रिया सुळे एकत्र दिसतायेत.. प्रेक्षकांना आठवत असेल गेल्या दिवाळीत भाऊबिजेला दोघा बहीण-भावाची भेट झाली नव्हती.. काल साखरपुड्याला सुप्रिया सुळे आवर्जून उपस्थित होत्या.   पवार कुटुंबातील महिलांचा एक फोटो आहे, त्यात सुप्रिया सुळे आणि सुनेत्रा पवार एकत्र दिसतायेत. २०२४च्या लोकसभा निवडणुकीत सुप्रिया आणि सुनेत्रा एकमेकांविरोधात लढल्या होत्या. मात्र सुनेत्रा वहिनी आणि माझे अतिशय घनिष्ट संबंध आहेत, त्या माझ्यापेक्षा वयानं मोठ्या आहेत, मी त्यांचा अनादर कधीच करू शकत नाही, असं सुप्रिया सुळे तेव्हाही म्हणाल्या होत्या..   आणखी दोन फोटोंची चर्चा होतेय.. तो फोटो म्हणजे अजित पवार आणि युगेंद्र पवारांचा. विधानसभा निवडणुकीत बारामती मतदारसंघातून अजित पवार आणि युगेंद्र पवार एकमेकांविरोधात उभे ठाकले होते. तेव्हा देखील दोन्ही उमेदवारांनी एकमेकांवर वैयक्तिक टीका केली नव्हती, हे महत्त्वाचं.