సచిన్ తీరుతో షాక్ అయిన విక్రమ్..!

When Vikram took Chennai bound flight from Mumbai, his co-passenger was none other than Master Blaster. But Vikram felt embarrassed when Sachin didn’t recognise him.

లోకల్‌గా ఎంత పెద్ద స్టార్ అయినా.. ఒక్కసారి రాష్ట్రం దాటితే అసలు గుర్తుపట్టేవాళ్లే ఉండకపోవచ్చు. రీజినల్ స్టార్స్ క్రేజ్ రాష్ట్రానికే పరిమితం కాబట్టి.. పక్క రాష్ట్రాల్లో వాళ్ల ముఖాలను గుర్తుపట్టడం కష్టమే. తమిళ స్టార్ హీరో చియాన్ విక్రమ్‌కు ఇటీవల ఇలాంటి అనుభవమే ఎదురైందట. అది కూడా సాదాసీదా వ్యక్తి నుంచి కాదు..
ఇటీవల ఓ 'షో'లో పాల్గొనడం కోసం విక్రమ్ ముంబై వెళ్లారు. అక్కడ కార్యక్రమం ముగియగానే వెంటనే ఫ్లైట్ క్యాచ్ చేశారట. విమానంలో కూర్చొన్నాక.. పక్కన ఎవరున్నారా? అని చూస్తే.. క్రికెట్ గాడ్ సచిన్ టెండూల్కర్ కనిపించారట.
సచిన్‌ను అమితంగా ఇష్టపడే విక్రమ్.. తన పక్క సీట్లోనే ఆయన్ను చూసేసరికి సంతోషం పట్టలేక పలకరించారట. అయితే సచిన్ మాత్రం విక్రమ్‌ను గుర్తుపట్టలేదేట. అంతేకాదు, మీరెవరు? అంటూ ప్రశ్నించడంతో విక్రమ్ షాక్ తిన్నాడట.
బాలీవుడ్‌లో అమితాబ్ సైతం తనను గుర్తుపడుతారు కదా!.. సచిన్‌కు తాను తెలిసే అవకాశం లేదా? అని మనసులో అనుకున్నాడట విక్రమ్. ఏదేమైనా.. ఇక తనకు తానే సచిన్‌కు పరిచయం చేసుకున్నాడట. తన సినిమాల గురించి వివరించాడట.
తాను ఎక్కువగా హాలీవుడ్ సినిమాలే చూస్తుంటానని, సౌత్ ఇండస్ట్రీ సినిమాల గురించి అంతగా అవగాహన లేదని, అందువల్లే గుర్తుపట్టలేకపోయానని విక్రమ్‌కు చెప్పారట సచిన్. ఇదంతా విక్రమే స్వయంగా వెల్లడించడం గమనార్హం.