అభివృద్ధి నిర్లక్ష్యానికి గురవుతున్న జూరాల కనీస వసతులు లేక పర్యాటకుల ఇక్కట్లు

Jurala Project Tourism : పర్యాటక కేంద్రంగా అభివృద్ధి చేసేందుకు అన్నిరకాల అవకాశాలున్న సాగునీటి ప్రాజెక్టు జూరాల. ఏటా వేలాది మంది పర్యాటకులు జూరాలను సందర్శించేందుకు వచ్చి వెళ్తుంటారు. కానీ దశాబ్దాలుగా ఆ ప్రాజెక్టు వద్ద పర్యాటక అభివృద్ధి నిర్లక్ష్యానికి గురవుతోంది. కృష్ణమ్మ జలపరవళ్లను తిలకిచేందుకు వచ్చే పర్యాటకులు కనీస వసతులు లేక అల్లాడుతున్నారు. సందర్శకుల సౌకర్యార్ధం గత ప్రభుత్వం చేపట్టిన పర్యాటక అభివృద్ధి పనులు 80శాతం పూర్తై ప్రారంభానికి నోచుకోలేదు.