ಎಂಜಿ ಜಿ 10 ಎಂಪಿವಿ ಬಿಡುಗಡೆಗೊಳಿಸಿದ ಎಂಜಿ ಮೋಟಾರ್ಸ್

ಎಂಜಿ ಮೋಟಾರ್ ಇಂಡಿಯಾ ಕಂಪನಿಯು 2020ರ ಆಟೋ ಎಕ್ಸ್‌ಪೋದಲ್ಲಿ ಪರ್ಫಾಮೆನ್ಸ್ ಸೆಡಾನ್, ಪೂರ್ಣ ಗಾತ್ರದ ಎಸ್‌ಯುವಿ, ಎಂಪಿವಿ ಸೇರಿದಂತೆ ಹಲವು
ಹೊಸ ಮಾದರಿಗಳನ್ನು ಪ್ರದರ್ಶಿಸಿತ್ತು. ಹೀಗೆ ಪ್ರದರ್ಶಿಸಲಾದ ಮಾದರಿಗಳಲ್ಲಿ ಎಂಜಿ ಜಿ 10 ಎಂಪಿವಿ ಸಹ ಸೇರಿತ್ತು. ಈ ಎಂಪಿವಿಯನ್ನು ಮಾರುಕಟ್ಟೆಗಳ ಆಧಾರದ ಮೇಲೆ ಮ್ಯಾಕ್ಸಸ್ ಜಿ 10 ಎಂದೂ ಸಹ ಕರೆಯಲಾಗುತ್ತದೆ.

ಎಂಜಿ ಮೋಟಾರ್ಸ್, ಇತ್ತೀಚೆಗಷ್ಟೇ ಚೀನಾ ಮಾರುಕಟ್ಟೆಯಲ್ಲಿ ಹೊಸ ತಲೆಮಾರಿನ ಜಿ10 ಎಂಪಿವಿಯನ್ನು ಬಿಡುಗಡೆಗೊಳಿಸಿದೆ. ಈ ಮಾದರಿಯು ಮುಂದಿನ ವರ್ಷ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಗಳಿವೆ. ಚೀನಾದ ಮಾರುಕಟ್ಟೆಯಲ್ಲಿ ಈ ಎಂಪಿವಿಯ ಬೆಲೆ ರೂ.15 ಲಕ್ಷಗಳಾಗಿದೆ. ಭಾರತದಲ್ಲಿ ಬಿಡುಗಡೆಯಾದ ನಂತರ ಈ ಎಂಪಿವಿಯ ಬೆಲೆ ಇನ್ನಷ್ಟು ಹೆಚ್ಚಾಗಲಿದೆ.