2020ರ ಆಕ್ಟೇವಿಯಾ ಕಾರ್ ಅನ್ನು ಅನಾವರಣಗೊಳಿಸಿದ ಸ್ಕೋಡಾ

ಸಿಎನ್‌ಜಿ ಎಂಜಿನ್‌ನಿಂದ ಚಲಾಯಿಸಲಾಗುವ 2020ರ ಸ್ಕೋಡಾ ಆಕ್ಟೇವಿಯಾ ಕಾರ್ ಅನ್ನು ಯುರೋಪಿಯನ್ ಮಾರುಕಟ್ಟೆಯಲ್ಲಿ ಅನಾವರಣಗೊಳಿಸಲಾಗಿದೆ. ಜೆಕ್ ಮೂಲದ ಕಾರು ತಯಾರಕ ಕಂಪನಿಯಾದ ಸ್ಕೋಡಾ ತನ್ನ ಹೊಸ ತಲೆಮಾರಿನ ಕಾರ್ ಅನ್ನು ಮುಂದಿನ ವರ್ಷದ ಫೆಬ್ರವರಿಯಲ್ಲಿ ಭಾರತದಲ್ಲಿ ಬಿಡುಗಡೆಗೊಳಿಸಲಿದೆ.

ಆಕ್ಟೇವಿಯಾ ಕಾರಿನ ಈ ಸಿಎನ್‌ಜಿ ಮಾದರಿಗೆ ಜಿ-ಟೆಕ್ ಎಂಬ ಹೆಸರನ್ನಿಡಲಾಗಿದೆ. ಜಿ-ಟೆಕ್ ಸಿಎನ್‌ಜಿ ಮಾದರಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸುವ ಬಗ್ಗೆ ಸ್ಕೋಡಾ ಕಂಪನಿಯು ಯಾವುದೇ ಮಾಹಿತಿಯನ್ನು ನೀಡಿಲ್ಲ.

ಆಕ್ಟೇವಿಯಾ ಜಿ-ಟೆಕ್ ಕಾರಿನಲ್ಲಿ 1.5-ಲೀಟರಿನ ಟಿಎಸ್ಐ ಎಂಜಿನ್ ಅಳವಡಿಸಲಾಗಿದೆ. ಈ ಎಂಜಿನ್ 129 ಬಿಹೆಚ್ ಪಿ ಪವರ್ ಉತ್ಪಾದಿಸುತ್ತದೆ. ಈ ಕಾರು ಸಿಎನ್‌ಜಿ ಮೋಡ್ ನಲ್ಲಿದ್ದಾಗ ಪ್ರತಿ ಕೆಜಿಗೆ 27.77 ಕಿ.ಮೀ ಮೈಲೇಜ್ ನೀಡುತ್ತದೆ ಎಂದು ಕಂಪನಿ ಹೇಳಿಕೊಂಡಿದೆ.