ట్రాన్స్​జెండర్​తో ప్రేమ - ఫ్యామిలీని ఒప్పించి

Transgender Love Marriage in Jagtial : వారిద్దరూ రెండేళ్లుగా ఒకరినొకరు ప్రేమించుకుని, ఇప్పుడు పెళ్లి పీటలు ఎక్కారు. ఇందులో ఆశ్చర్యం ఏం ఉందని అనుకుంటున్నారా? ఈ ప్రేమ కహానీ ఓ ట్రాన్స్​జెండర్, యువకుడిది కావడమే ఇక్కడ స్పెషల్. ఆఁ.. ఏముందిలే ఈ మధ్యకాలంలో ఇలాంటి పెళ్లిళ్లు సోషల్​ మీడియాలో చాలానే చూస్తున్నాం అని కొట్టిపడేయకండి! యువకుడు తన కుటుంబ సభ్యులను ఒప్పించి మరీ వారందరి సమక్షంలో ట్రాన్స్​జెండర్​ను వివాహం చేసుకున్నాడు. సాధారణంగా ట్రాన్స్​జెండర్​తో పెళ్లి అంటే ఏ కుటుంబ సభ్యులైనా ఒప్పుకోరు. కానీ ఈ అబ్బాయి కుటుంబసభ్యులు మాత్రం కుమారుడి ఇష్టాన్ని గౌరవించి, అతడి మనసుకు నచ్చిన వ్యక్తి(ట్రాన్స్​జెండర్​)ని ఇచ్చి ఘనంగా వివాహం చేశారు. ఈ పెళ్లికి జగిత్యాల జిల్లా వేడుకైంది.