పట్టణంపై 3 గంటల పాటు హెలికాప్టర్‌ చక్కర్లు - టెన్షన్​లో గ్రామస్థులు! - చివరకు?

Helicoptor Digital Survey : చిన్న పట్టణాల అభివృద్ధి, మౌలిక వసతుల కల్పనలో భాగంగా కేంద్రం నక్షా కార్యక్రమానికి శ్రీకారం చుట్టింది. ఈ మేరకు కేంద్ర, గ్రామీణాభివృద్ధి మంత్రిత్వ శాఖ, భూ పరిశోధన శాఖ ఆధ్వర్యంలో కేంద్ర, రాష్ట్ర ప్రభుత్వాలకు చెందిన అధికారుల బృందం ఏరియల్‌ సర్వే నిర్వహించింది. ఇందులో భాగంగా యాదాద్రి భువనగిరి జిల్లా యాదగిరిగుట్ట పట్టణ గగనతలంలో దాదాపు 3 గంటల పాటు హెలికాప్టర్‌ చక్కర్లు కొట్టింది. హెలికాప్టర్‌కు అమర్చిన అత్యాధునిక సాంకేతికత, నాణ్యత కలిగిన కెమెరాలతో ఏరియల్‌ భూ సర్వే చేసినట్లు పుర కమిషనర్‌ అజయ్‌ కుమార్‌ రెడ్డి తెలిపారు.